Bwrdd

"Mae'n fraint mawr i fod yn gysylltiedig â'r Gronfa Loteri Fawr. A finnau'n gefnogwr brwd o'r Loteri Genedlaethol ers iddi ddechrau, mae ehangder a dyfnder rhoddion y Gronfa Loteri Fawr i gymunedau ac i'r bobl fwyaf anghenus ar draws y DU, wedi gwneud argraff enfawr arnaf. Dyma fudiad cyffrous sy'n cael effaith wirioneddol gadarnhaol ar ansawdd bywydau."

"Rwyf am sicrhau bod y Gronfa Loteri Fawr yn parhau'n fawr o ran ei enw a'i chalon, yn ymestyn yn eang ond gyda theimlad sy'n lleol ac yn bersonol. Mae helpu pobl i wneud gwahaniaeth yn eu cymunedau'n her gyffrous. Yn y Gronfa Loteri Fawr gallwn ni gwrdd â'r her honno, trwy ariannu'n deallus, gweithio ar y cyd a sicrhau bod pob punt o'r Loteri'n cael ei gwario'n dda."

Mae Anna Southall yn ymddiriedolwr gydag Ymddiriedolaeth a Chronfa Barrow Cadbury, sefydliad elusennol sy’n hyrwyddo cyfiawnder cymdeithasol, gan ei gadeirio rhwng 1996 a 2006. Mae’n ‘Brif Ymddiriedolwr’ gyda rhaglen Oedolion Ifanc a Chyfiawnder Troseddol yr Ymddiriedolaeth. Mae hi hefyd yn Ymddiriedolwr Rhaglen Arweinyddiaeth Gymdeithasol Clore, ac yn gwasanaethu ar Banel Ymgynghorol Ysbeiliad y Llywodraeth.

Yn flaenorol roedd hi'n Brif Weithredwr y Cyngor dros Amgueddfeydd, Llyfrgelloedd ac Archifau, a chyn hynny yn Gyfarwyddwr Amgueddfeydd ac Orielau Cenedlaethol Cymru (1998-2002). Mae Anna bellach yn byw ym Mryste, lle mae hi'n ymwneud â nifer o elusennau lleol, gan gynnwys Ymddiriedolaeth Datblygu Amgueddfeydd Bryste.

"Mae'n bleser i fod wedi ymuno â'r Gronfa Loteri Fawr sydd wedi gwneud cyfraniad enfawr at y cymunedau a'r bobl anghenus ar draws y DU. Credaf fod gan y Gronfa Loteri Fawr rôl arweinyddiaeth wirioneddol bwysig nid yn unig oherwydd ehangder a dyfnder ei hestyniad ond hefyd oherwydd ei pharodrwydd i brofi ymagweddau newydd a all wella'i chyfraniad i gymunedau a phobl anghenus. "

"Mae'n bleser gennyf fod yn rhan o'r Gronfa Loteri Fawr gan i mi weld ac edmygu'n fawr y buddion y mae'r gronfa Loteri Fawr wedi'u creu ar gyfer cymunedau a phobl ar draws Gogledd Iwerddon trwy ystod o raglenni arloesol"

Ar hyn o bryd mae Frank Hewitt yn Gadeirydd Parc Gwyddoniaeth Gogledd Iwerddon ac yn Gonswl Anrhydeddus ar gyfer Gweriniaeth Ffederal Yr Almaen. Mae'n aelod anweithredol o fyrddau Invest Northern Ireland, Cwmni Adfywio Trefol Ilex, Bwrdd Buddsoddi Strategol Gogledd Iwerddon a Chwmni Cludiant Daliannol Gogledd Iwerddon.

Mae ei swyddi blaenorol yn cynnwys:

• Prif Swyddog Gweithredol Siambr Fasnach Gogledd Iwerddon
• Dirprwy ysgrifennydd gyda chyfrifoldeb dros Wasanaethau Corfforaethol yn yr Adran Diwylliant, Celfyddydau a Hamdden
• Prif Weithredwr Northern Ireland Growth Challenge, mudiad sector preifat a sefydlwyd i fabwysiadu ymagwedd sector preifat at ddatblygu economaidd yng Ngogledd Iwerddon.

Mae gan Frank flynyddoedd maith o brofiad datblygu diwydiannol gyda'r Bwrdd Datblygu Diwydiannol gynt, ac yn flaenorol roedd yn Ddirprwy Brif Weithredwr y BDD gyda chyfrifoldeb dros fewnfuddsoddi.

"Mae'n anrhydedd cael fy ngofyn i arwain tîm hynod ymroddedig o staff, partneriaid a mudiadau a ariennir, sy'n gwneud gwir wahaniaeth i gymunedau ledled Cymru. Rwyf hefyd yn croesawu'r cyfle i gydweithio gyda chymheiriaid ar draws y DU fel aelod o Fwrdd DU y Gronfa Loteri Fawr "

"Rwy'n falch o fod yn chwarae rhan wrth i'r Gronfa Loteri Fawr fynd yn ariannwr deallus - yn gweithio mewn partneriaeth, yn gwneud gwahaniaeth trwy'r hyn a ariannwn, yn dysgu o brofiad ac yn rhannu'r canlyniadau"

Mae Maureen McGinn wedi bod yn aelod o Bwyllgor Yr Alban y Gronfa Loteri Fawr ers mis Mawrth 2007 ac mae hi hefyd yn ymgynghorydd cyfiawnder cymdeithasol i Sefydliad Paul Hamlyn ac yn aelod o grŵp llywio Menter Partneriaeth Cyffuriau Sefydliad Lloyds TSB dros Yr Alban.

Mae ei phrofiad gwneud grantiau yn y gorffennol hefyd yn cynnwys rhedeg Ymddiriedolaeth Ieienctid Laidlaw a hyrwyddodd waith partneriaeth rhwng elusennau sy'n cefnogi plant a phobl ifanc bregus yn Yr Alban.

Bu ei gyrfa gynharach yn cynnwys cyfnodau'n gweithio i elusen, undeb llafur ac mewn llywodraeth ganolog a lleol. Wedi'i geni a'i magu yn Perth, aeth i Academi Perth ac mae hi'n raddedig o Brifysgol Caeredin. Mae Maureen yn byw yng Nghaeredin ac yn briod â Syr John Elvidge ac felly, o bryd i'w gilydd, yn cael ei hadnabod hefyd fel Maureen, y Fonesig Elvidge.

"Fel cymdeithas, mae gennym rwymedigaeth i ddod â gwir welliannau i'r rhai mwyaf anghenus. Rwy'n ymrwymedig i wasanaethu'r grwpiau hyn ac i sicrhau bod y Gronfa Loteri Fawr yn parhau i weithio ar y cyd, cymryd rhan yn llawn ac ariannu mewn ffordd effeithiol er mwyn gwneud gwahaniaeth gwirioneddol barhaol i bobl a chymunedau ledled ein gwlad. "

Mae Rajay Naik yn Gyfarwyddwr Llywodraeth a Chysylltiadau Cyhoeddus yn y Brifysgol Agored - Prifysgol fwyaf Ewrop. Yn y Gronfa Loteri Fawr mae'n Gadeirydd Rhaglenni DU. Yn 2009 fe'i penodwyd gan Peter Mandelson a David Willetts yn un o chwe aelod panel ar yr Adolygiad Annibynnol trawsbleidiol o Ariannu Addysg Uwch a Chyllid Myfyrwyr (Adolygiad Browne). Mae hefyd yn Gomisiynydd Comisiwn Sefydlog yr Adran Iechyd ar Ofalwyr ac yn Gyfarwyddwr Clwb Pêl-droed Dinas Cofentri.

Yn flaenorol gweithiodd Rajay yng Nghyngor Dinas Cofentri ar waith i gynnwys dinasyddion mewn gwneud penderfyniadau; Swyddfa'r Trydydd Sector o fewn Swyddfa'r Cabinet ar bolisi'r sector gwirfoddol, a rheolodd rhaglen yr Her Tai Coffi Cenedlaethol gyda Chymdeithas Frenhinol y Celfyddydau.

Mae Rajay yn gyn-Gadeirydd Cyngor Ieuenctid Prydain ac yn gyn-ymddiriedolwr yr Asiantaeth Ieuenctid Genedlaethol, v a Sefydliad Changemakers. Roedd yn Aelod o'r Cyngor Sgiliau a Dysgu, fe'i comisiynwyd gan NESTA i greu 'Learner Voice' ac ar hyn o bryd mae'n gwneud ei bumed flwyddyn o wasanaeth fel Llywodraethwr City College, Cofentri - un o golegau Addysg Bellach mwyaf y DU.

Mae Rajay yn Gymrawd RSA ac yn Llysgennad Dinas Cofentri, Make Your Mark, a Swyddfa Cydraddoldeb y Llywodraeth. Mae ganddo raddau israddedig ac ôl-raddedig o Brifysgol Warwig.

"Rwy’n edrych ymlaen at adeiladu ar y gwaith sydd wedi ei wneud o greu amrediad mor dda o raglenni sy’n cynnwys cymunedau, dysgu, yr amgylchedd a lles. Rwy’n siŵr y bydd ein pwyslais cryf ar gynnwys buddiolwyr a defnyddwyr yn sicrhau y bydd y Gronfa Loteri Fawr yn dod a newid parhaol i bobl a chymunedau ledled y DU "

Mae Diana Whitworth yn ymgynghorydd yn gweithio i'r Young Foundation ar wasanaeth newydd ar gyfer pobl hŷn gyda phroblemau iechyd meddwl. Mae’n aelod o Gyngor Awdurdod Safonau Hysbysebu, yn aelod o Fwrdd Cyflwyno Gwasanaeth a Chomisiynu Sefydliad y GIG, ac yn ymddiriedolwr gwasanaethau cyffuriau Cranstoun.

• Roedd yn Gadeirydd ar y Grŵp Cyfeirio Allanol ar gyfer y Fframwaith Gwasanaeth Cenedlaethol dros Gyflyrau Hirdymor, a oedd yn cynghori’r llywodraeth ar safonau gofal ar gyfer pobl gyda chyflyrau niwrolegol (2002-2005).
• Roedd yn gyd-gyfarwyddwr ar Grandparents Plus (2004-2007)
• Prif Weithredwr Carers UK (1999-2003)
• Pennaeth Materion Cyhoeddus yn y Cyngor Defnyddwyr Cenedlaethol (1988-1999)
• Uwch Swyddog Ymchwil a Datblygu gyda Chyngor ar Bopeth (1980-1999).

"Rwy'n gwerthfawrogi'r ffordd y mae'r Gronfa Loteri Fawr yn creu buddion ar gyfer pob rhanbarth yn Lloegr, gyda'i ffocws penodol ar y bobl, y cymdogaethau a'r cymunedau y gellir gwella'u bywydau'n wirioneddol trwy arian loteri. Fy niddordeb penodol i yw lleihau unigedd cymdeithasol ac annog pobl i ymgysylltu â'u rhwydweithiau lleol."

Mae John Gartside yn Gadeirydd Ymddiriedolaeth Gofal Sylfaenol Warrington. Mae hefyd yn Ymddiriedolwr Ymddiriedolaeth Jonathan Ball Tim Parry, elusen yn Warrington sy'n canolbwyntio ar bobl ifanc, a Dirprwy Lefftenant Swydd Gaer.

• Mae'n Aelod o Fwrdd Llysoedd Swydd Gaer, yn Aelod o Bwyllgor Monitro Bwrdd Safonau Cymdeithas Fargyfreithwyr ac yn Rhyddfreiniwr Warrington.
• Roedd yn Gadeirydd Ymddiriedolaeth Gofal Iechyd Cymunedol GIG Warrington (1995-2002) ac fe wasanaethodd hefyd am 10 mlynedd fel arweinydd Awdurdod Unedol Lleol Warrington (1992-2002).
• Tan fis Hydref 2006, roedd yn Gadeirydd Partneriaeth y 5 Bwrdeistref, ymddiriedolaeth iechyd meddwl ac anawsterau dysgu arbenigol a sefydlwyd ganddo yn 2002, gan wasanaethu dros filiwn o bobl yn y Gogledd-orllewin.
• Mae wedi bod yn Gadeirydd Cymdeithas Llywodraeth Leol Swydd Gaer (2000-2002) ac roedd yn aelod sefydlu Cynulliad Rhanbarthol y Gogledd-orllewin cyn ymddiswyddo yn 2002.