Angen
Mae angen gwell darpariaeth chwarae a mwy o gyfleoedd i rhyngweithio â phlant eraill ar blant ag anhwylder sbectrwm awtistiaeth yn y ddinas. Mae rhieni a gofalwyr yn teimlo'n unig ac fe hoffent gael mwy o gyswllt gyda rhieni plant eraill ag ASA.
Tystiolaeth
Mae'r wybodaeth a ddarperir isod yn enghraifft. Wrth gyfeirio at ymgynghori neu ymchwil, dylech gynnwys dyddiadau i ddangos pryd y digwyddodd (yn ddelfrydol o fewn y ddwy flynedd ddiwethaf i sicrhau ei fod yn ddiweddar) ac i egluro ffynhonnell y dystiolaeth.
- Cyflawnodd y cwmni Play for Kids ymgynghoriad mewn digwyddiad i fudd-ddeiliaid ym mis Mehefin 2011. Nododd 50 o rieni i blant ag awtistiaeth fod yna ychydig iawn o ddarpariaeth chwarae yn yr ardal ac o ganlyniad i hynny roedd ganddynt bryderon am sgiliau cymdeithasol a rhyngweithio eu plant. Mynegodd rhieni bryderon hefyd ynghylch rhwydweithiau cefnogi cyfyngedig
- Mae archwiliad o ddarpariaeth chwarae bresennol a gwblhawyd ym mis Tachwedd 2011 gan Gyngor Millnock yn nodi'r diffyg darpariaeth mewn cyfleusterau i blant ag ASA.
- Mae ymchwil o Brifysgol Newcastle wedi nodi bod gan blant ag ASA well ansawdd bywyd pan fyddant yn rhyngweithio â chymheiriaid heb ASA, ac mae rhieni'n teimlo eu bod yn cael mwy o gefnogaeth trwy ryngweithio gyda rhieni plant eraill ag ASA.
- Ymgynghorwyd ag 20 o staff a gwirfoddolwyr mewn ysgolion cynradd ac arbennig lleol, gwirfoddolwyr ar gynlluniau chwarae a cheidwaid chwarae gan Play For Kids Company ym mis Ionawr 2012 ynglŷn â'u hyder wrth oruchwylio plant ag ASA i ryngweithio â'u cymheiriaid a darparu cyngor i rieni ar chwarae integredig. O'r rhai yr ymgynghorwyd â nhw, dywedodd 16 y byddent yn gwerthfawrogi mwy o gyngor ac arweiniad ar y mater.
- Adlewyrchir yr angen am y prosiect mewn rhannau penodol o strategaeth Gwerthfawrogi Pobl y llywodraeth, sydd â'r nod o wella cefnogaeth a chyfleoedd i bobl ag anableddau dysgu.
Nod cyffredinol y prosiect
Cynyddu mynediad i ddarpariaeth chwarae ar gyfer plant ag ASA a chaniatáu i blant ag ASA integreiddio â'u cymheiriaid (heb ASA) ac elwa o gefnogaeth a gwasanaethau arbenigol
Canlyniad(au) ar gyfer y prosiect
- Mae gan blant ag ASA well hyder a sgiliau cymdeithasol, gan ganiatáu gwell integreiddio â'u cymheiriaid
- Mae gan staff a gwirfoddolwyr well dealltwriaeth o'r anawsterau y mae plant ag ASA yn eu hwynebu ac maent yn fwy hyderus wrth ddarparu arweiniad i rieni a gofalwyr
- Mae rhieni plant ag ASA yn teimlo'n llai unig ac wedi'u cefnogi'n well trwy rannu eu profiadau
Tracio cynnydd
|
Canlyniad
|
Dangosydd
|
Lefel y Dangosydd
|
Amserlen
|
|
Mae gan blant ag ASA well hyder a sgiliau cymdeithasol, gan ganiatáu gwell integreiddio â'u cymheiriaid
|
Nifer y plant ag ASA sy'n rhyngweithio'n gynyddol â'u cymheiriaid ac sy'n dangos mwy o hyder
|
Nifer y plant sy'n rhyngweithio'n gynyddol â'u cymheiriaid yn ôl arsylwadau gan staff: 15
|
Bob blwyddyn
|
|
Nifer y plant â hyder a sgiliau cymdeithasol cynyddol yn ôl arsylwadau gan staff: 10
|
Erbyn diwedd blwyddyn dau
|
|
Cyfanswm nifer y plant sy'n rhyngweithio'n gynyddol â'u cymheiriaid yn ôl arsylwadau gan staff: 45
|
Erbyn diwedd y prosiect
|
|
Mae gan staff a gwirfoddolwyr well dealltwriaeth o'r anawsterau y mae plant ag ASA yn eu hwynebu ac maent yn fwy hyderus wrth ddarparu arweiniad i rieni a gofalwyr
|
Lefelau dealltwriaeth staff a gwirfoddolwyr ynglŷn â'r anawsterau y mae plant ag ASA yn eu hwynebu
|
5 aelod o staff a chynrychiolwyr 3 budd-ddeiliaid yn adrodd am ddealltwriaeth gynyddol o'r problemau y mae plant ag ASA yn eu hwynebu
|
Bob blwyddyn
|
|
Mae 15 o staff a chynrychiolwyr 9 budd-ddeiliad yn adrodd eu bod yn teimlo'n fwy hyderus wrth gynghori rhieni a gofalwyr
|
Erbyn diwedd y prosiect
|
|
Mae rhieni plant ag ASA yn teimlo'n llai unig ac wedi'u cefnogi'n well trwy rannu eu profiadau
|
Lefelau cefnogaeth ar gyfer rhieni plant ag ASA
|
Mae 12 rhiant i blant ag ASA yn ymwneud â grwpiau cefnogi cymheiriaid
|
Bob blwyddyn
|
|
Mae 24 rhiant i blant ag ASA yn adrodd eu bod yn teimlo'n llai unig
|
Erbyn diwedd y prosiect
|
|
Mae cyfanswm o 35 o rieni i blant ag ASA yn adrodd y teimlant eu bod yn cael mwy o gefnogaeth
|
Erbyn diwedd y prosiect
|
Gweithgareddau
- Recriwtio a hyfforddi staff
- Sefydlu canolfan chwarae a gosod cyfarpar
- Cynnal digwyddiad lansio gyda 5 mudiad budd-ddeiliaid a 30 o rieni
- Cynnal 4 seminar y flwyddyn i rieni
- Darparu hyfforddiant i ddau o rieni bob blwyddyn ar sefydlu grwpiau cefnogi cymheiriaid
- Cynnal tair sesiwn cynyddi ymwybyddiaeth gyda gwirfoddolwyr, staff a budd-ddeiliaid, gan gynnwys ysgolion, cynlluniau chwarae a cheidwaid chwarae
Dysgu
Erbyn diwedd blwyddyn un nododd y prosiect mai dim ond ychydig o blant heb ASA oedd yn mynd i'r cyfleusterau chwarae ac felly nid oedd yn bosib cyflawni'r canlyniad o gynyddu rhyngweithio â chyfoedion. Ym mlwyddyn dau rhoddwyd blaenoriaeth i farchnata'r ddarpariaeth chwarae i amrywiaeth eang o rieni yn ogystal ag annog brodyr a chwiorydd plant ag ASA i ddod lle bo'n briodol.