- Area:
- Cymru
- Programme:
- Pawb a'i Le
- Release date:
- 18 10 2007
Mae prosiect i weddnewid adeilad segur yn ganolfan gymunedol fywiog a system gyfrifiadurol newydd i leihau ofn trosedd ymhlith nifer o brosiectau ledled y wlad i elwa o hwb ariannol o £4 miliwn, a gyhoeddir heddiw o dan raglen Pawb a’i Le y Gronfa Loteri Fawr.
O Flaenau Ffestiniog yng Ngogledd Cymru, i Ferthyr Tudful yn y De, mae deunaw o brosiectau cymunedol ar draws y wlad yn elwa o’r £3,991,729, sy’n anelu at ddwyn pobl ynghyd i wneud cymunedau yn gryfach ac i wella amgylcheddau gwledig a threfol (rhestr lawn o brosiectau ar gael ar ddiwedd y datganiad).
Ym Mlaenau Ffestiniog, Gwynedd, bydd Menter Moelwyn yn gwario eu dyfarniad o £25,000 ar ddatblygu eu cynlluniau i ailwampio Neuadd Farchnad Fictorianaidd yn yr hen dref chwareli llechi. Y nod yn yr hirdymor yw gweddnewid yr adeilad segur a darparu canolfan gynhwysfawr i'r celfyddydau perfformio a gweledol er mwyn i bobl leol ac ymwelwyr eu mwynhau. Byddai’r cyfleuster yn cynnig canolfan gymdeithasol, ddiwylliannol ac addysgiadol i'r gymuned.
Byddai’r prosiect yn cynnwys oriel, theatr/sinema/man perfformio, a bar caffi gydag ail ofod perfformio, ystafelloedd addysg ar gyfer celf a TG, ac ystafell ymarfer gerddorol gyda chyfleuster recordio. Byddai ystafell glwb bwrpasol ar gyfer y rhai yn eu harddegau yn darparu ar gyfer y grŵp oed hwn sy’n cael eu tangynrychioli a byddai'n ceisio meithrin eu diddordeb yn y celfyddydau.
Dywedodd Alan Norton, Ymddiriedolwr gyda Menter y Moelwyn sydd yn ymhyfrydu yn y cyfle i ddatblygu’r cynlluniau ymhellach: “Mae hwn yn brosiect y bydd y gymuned gyfan yn elwa ohono ac mae meddwl am y potensial y gallwn ei gyflawni gyda'r adeilad hwn yn anhygoel. Ein cynllun yw defnyddio’r celfyddydau i ddatblygu pobl a sgiliau ac mae hwn yn un o’r prosiectau sy’n ffurfio rhan o strategaeth hirdymor ar gyfer adfywio Blaenau Ffestiniog. Mae’r gymuned gyfan yn cydweithio ar hwn. Rydym yn gyffrous iawn ynghylch arian y loteri er mwyn datblygu’r prosiect a byddem hyd yn oed yn fwy cyffrous pe bai modd i ni wireddu’r prosiect. Byddai’r cyfleuster yn cael ei ddefnyddio i dynnu sylw at ddiwylliant Cymru a’r dref a rhoi rhywbeth i dwristiaid â’r ardal ei wneud pan fyddant yma."
Taclo trosedd yn y gymuned yw’r brif flaenoriaeth i Gymdeithas Gwarchod y Gymdogaeth Merthyr Tudful yn Ne Cymru. Byddant yn gwario eu £136,430 ar system Ringmaster ar gyfer cymunedau sydd yn dioddef o ofn trosedd, neu sy’n dioddef o drosedd. Mae’r system Ringmaster yn gyfrifiadur, sy’n dal bas data o gysylltiadau ar gyfer cynlluniau gwarchod y Gymdogaeth ledled sir Merthyr Tudful. Gall y system anfon negeseuon llais i’r cymdeithasau Gwarchod y Gymdogaeth cymunedol am drosedd yn eu hardal, gan helpu pobl i fod yn fwy ymwybodol o drosedd. Bydd yn helpu i gydlynu a chreu cysylltiadau rhwng grwpiau cymunedol, yr Heddlu ac aelodau cymunedol.
Bydd y prosiect yn darparu help, cyngor a gwybodaeth am weithgarwch trosedd cyfredol, a fydd yn helpu i atal trosedd, cynyddu ymwybyddiaeth y cyhoedd am batrymau trosedd, darparu gwybodaeth am bobl a cherbydau a hysbysebu cyfarfodydd Gwarchod Cymdogaeth, meddygfeydd heddlu a digwyddiadau gweithredu cymunedol.
Gan ddatgan ei hapusrwydd am dderbyn y dyfarniad, dywedodd Cadeirydd Cymdeithas Gwarchod y Gymdogaeth Merthyr Tudful, Hilary Doyle: “ Dim ond hyn a hyn y gall gwirfoddolwyr ei wneud, felly mae cael y system newydd yma yn hwb sylweddol i’r sefydliad a’r gymuned. Dros y blynyddoedd, rydym wedi cyflawni canlyniadau gwych ac wedi gwneud ein cymunedau yn llefydd gwell i fyw. Bydd y system yn helpu i wneud pethau yn hyd yn oed gwell.”
Wrth gyfeirio at yr effaith bositif y bydd y dyfarniadau yn eu cael ar gymunedau ledled Cymru, dywedodd Janet Reed, Aelod o Bwyllgor y Gronfa Loteri Fawr yng Nghymru a Chadeirydd Pwyllgor Pawb a'i Le: “Mae rhaglenni fel Pawb a’i Le yn gwneud gwahaniaeth i fywydau cymaint o bobl mewn cymunedau ar draws Cymru. Mae Pawb a’i Le yn gwireddu ein haddewid i ddefnyddio arian y Loteri i adfywio ac i ailfywhau cymunedau, mynd i'r afael ag anfantais ar ei ben a gadael etifeddiaeth barhaus. Rwy’n siŵr y bydd y dyfarniadau hyn yn cael effaith bositif ar fywydau llawer o bobl yn y gymuned a bydd yn parhau i wneud hynny am flynyddoedd i ddod.”
Mae’r rhaglen Pawb a’i Le gwerth £66 miliwn yn dyfarnu grantiau rhwng £5001 a £1 miliwn i ystod eang o brosiectau cymunedol. Am wybodaeth bellach am raglen Pawb a’i Le a sut y gallwch wneud cais am arian, ewch i www.cronfaloterifawr.org.uk a defnyddiwch gyfleuster chwilio penodol i ‘Gymru’.
Am wybodaeth bellach am y prosiectau a sut i gael manylion cyswllt yr unigolion a’r sefydliadau sy’n gysylltiedig, cysylltwch â swyddfa’r wasg Cronfa Loteri Fawr ar y rhifau isod.
Rhestr lawn o brosiectau:
| Sefydliad | Lleoliad | Crynodeb prosiect | Swm |
| Prosiect Dyslecsia Cymru | Tref Aberteifi, Caerfyrddin, Hwlffordd, Llandrindod Wells a Sir y Fflint | Bydd y prosiect yn rhedeg cyrsiau hyfforddiant a gweithdai i ddysgu pobl ifanc gyda dyslecsia ac anawsterau dysgu eraill, a’u rheini / neiniau a theidiau / gofalwyr, sut i ddatblygu sgiliau sylfaenol yn y cartref drwy weithio gyda grwpiau teuluol. Bydd canolfan gyngor/weinyddu hefyd yn cael ei hagor yng Ngheredigion. | £94,790 |
| Menter y Moelwyn | Blaenau Ffestiniog | Mae’r grant yn Grant Datblygu Cyfalaf i alluogi paratoi cynlluniau a darluniau terfynol, cyflwyno ceisiadau cynllunio a pharatoi les ddrafft gyda Chyngor Gwynedd i alluogi cyflwyniad cais llawn i’r Gronfa Loteri Fawr am grant Cyfalaf i ailwampio Neuadd y Farchnad ym Mlaenau Ffestiniog ar gyfer defnydd | £25,000 |
| Cymdeithas Gwrachod y Gymdogaeth Merthyr Tydfil | Merthyr Tydfil | Mae’r prosiect i sefydlu system Ringmaster mewn cymunedau sydd yn dioddef o ofn trosedd, neu sydd yn ddioddefwyr trosedd. Mae system Ringmaster yn gyfrifiadur sy’n gweithio ar ei ben eu hun, sy’n dal bas data o gysylltiadau ar gyfer Gynlluniau Gwarchod y Gymdogaeth ledled y sir a bydd yn darparu cymorth, cyngor a gwybodaeth am weithgaredd troseddol cyfredol, gan helpu i atal troseddu a gwella cysylltiadau cymunedol. | £136,430 |
| Biwro Cyngor Ar Bopeth Castell Nedd a’r Ardal | Wedi ei leoli yng Nghastell Nedd Port Talbot, yn targedu 5 ward Cymunedau’n Gyntaf a 2 ward wledig | Bydd y prosiect yn cyflwyno gwasanaeth cynghori mewn 7 cymuned leol gan ddefnyddio Technoleg Gwybodaeth. Bydd ciosgau cyngor gwybodaeth yn cael eu sefydlu i gysylltu i wasanaethau biwro gyda chynghorwyr yn cael ei hyfforddi i gyflwyno gwasanaeth cyngor digidol. Bydd bydis cymunedol gwirfoddol lleol yn cael eu hyfforddi i gynnig cymorth ac arweiniad a bydd cynghorwyr gwirfoddol yn cael eu hyfforddi i ddarparu gwaith cynghori parhaol dros y ffon, negeseuon ac e-bost. | £248,707 |
| Canolfan Gymunedol Tsieinëeg Casnewydd e | Casnewydd a’r ardal gyfagos | Darpariaeth cyfleuster galw-i-mewn i alluogi’r Gymuned Tsieinëeg i gael mynediad at gymorth/cyngor/cefnogaeth a’u cyfeirio at wasanaethau addas | £159,914 |
| Newlink Cymru | Casnewydd, De Cymru | Bydd y prosiect yn datblygu gwasanaeth gwybodaeth cyffuriau Du a Lleiafrifoedd Ethnig yng Nghasnewydd gan ganiatáu gwell gwybodaeth gymunedol a gwybodaeth o ataliad a thriniaeth. | £241,070 |
| Usk House (Powys) Ltd | Aberhonddu, Powys | Bydd y prosiect yn prynu bws mini newydd ac yn talu am yrrwr a hebryngydd i nôl a danfon cleifion dydd i ag o’r hosbis. Bydd y bws a’r gyrrwr hefyd ar gael i’r cynllun Dial-a-Ride lleol ac i’r cartrefi nyrsio lleol ar gyfer teithiau fin nos a phenwythnos achlysurol. | £121,532 |
| Ysgol Gynradd Blaen-gwawr | Wedi ei leoli yn Aberdâr, Rhondda Cynon Taf | Bydd y prosiect yn datblygu darn o dir braenar rhwng y cartref gofal preswyl ar gyfer pobl hŷn ac Ysgol Gynradd. Bydd y tir yn cynnwys gwelyau rhandir, llwybrau ac amffitheatr glaswelltog. Bydd hyn yn galluogi pobl hŷn a phlant i wella cysylltiadau trwy drin planhigion gyda’i gilydd, gan greu cyfleoedd ar gyfer rhyngweithiad a pherfformiadau. | £49,982 |
| Cymdeithas Lles Cymunedol Cwmparc | Cwmparc, Rhondda Cynon Taf | Bydd y prosiect yn gwella gwaith y Gymdeithas drwy annog byw’n iach, ailwampio’r caffi cymunedol, cynnydd mewn cyfleusterau gofal plant, man parc antur awyr agored Cwmparc a chynnydd yn y nifer o ddosbarthiadau analwedigaethol a chyrsiau hyfforddiant. | £302,740 |
| Dinas a Cyngor Abertawe | Dinas a Cyngor Abertawe | Bydd y prosiect yn gweithio gyda phlant ac oedolion o gymunedau lleiafrifoedd ethnig ac ymofynwyr noddfa i integreiddio a’u cynnwys mewn darpariaeth chwarae mynediad agored. | £72,555 |
| Canolfan Co Op Cymunedol Tsieinëeg Abertawe | Abertawe a’r ardal gyfagos | Bydd y prosiect yn hyrwyddo ffyrdd o fyw iachach ar gyfer y gymuned Tsieinëeg. | £133,942 |
| Partneriaeth Cymunedau’n Gyntaf Ystad | Thompson Street Ystad Thompson Street, Bari | Bydd y prosiect yn datblygu amrediad o weithgareddau, gweithdai a chyrsiau cymdeithasol, addysgol a chymunedol i blant a phobl ifanc rhwng 0 a 25 oed sy’n byw ar Ystâd Thompson Street a Castlelands 1 is ward yn y Bari. | £92,720 |
| Cyngor Bro Morgannwg | Pen y Bont, Caerdydd, Merthyr Tydfil, Castell Nedd Port Talbot, Rhondda Cynon Taf, Abertawe a Bro Morgannwg | Mae’r prosiect yn rhaglen Grŵp Arwain yn cael ei weithredu rhwng yr holl asiantaethau sydd yn gweithio gyda phobl ifanc bregus rhwng 4 ac 11 mlwydd oed a’u teuluoedd yn Ne Cymru, yn gweithredu yn y saith ardal ALl sydd o fewn ardal Heddlu De Cymru. Bydd y prosiect yn datblygu ffyrdd newydd o weithio gyda phlant a’u teuluoedd, gyda’r nod o atal plant rhag datblygu ymddygiad gwrth gymdeithasol neu gymryd rhan mewn ymddygiad troseddol. | £994,529 |
| Groundwork Pen y Bont a Castell Nedd Port Talbot | Pen y Bont, Castell Nedd Port Talbot a Bro Morgannwg | Bydd y prosiect yn darparu addysg amgylcheddol i ysgolion er mwyn codi ymwybyddiaeth a mabwysiadau ymarferion i leihau materion adnoddau. Bydd yn canolbwyntio ar gadwraeth dŵr ag egni ynghyd â lleihau gwastraff. | £250,000 |
| Ffederasiwn Ffermydd Dinesig a Gerddi Cymunedol | Bydd y prosiect yn gwasanaethu Cymru gyfan | Bydd y prosiect yn canolbwyntio ar dri phrif faes o waith: Menter Cymunedol - helpu i sicrhau adfywiad cynaliadwy cymunedau drwy gryfhau gallu gerddi a ffermydd sy’n cael eu rheoli yn lleol trwy fentrau a gaiff eu rheoli yn gymunedol. Cynhwysiad cymunedol - cefnogi datblygiad gerddi a ffermydd cymunedol yng Nghymru fel ‘hybiau cymhwysol o gymunedol lleol’ sy’n hwyluso ac yn mabwysiadu cysylltiadau cymunedol ac yn helpu i greu cymunedau iachach gyda gwell cysylltiadau. Troi Llwyd yn Wyrdd - cefnogi datblygiad gwell amgylcheddau a chymunedau lleol drwy arddio a ffermio cymunedol. | £171,686 |
| Cymdeithas Epilepsi Cymru Cyf | Wedi ei leoli yn Wrecsam, yn gwasanaethu Cymru | Mae’r prosiect i ehangu’r gwasanaeth gwaeth maes sy’n bodoli eisoes i gyrraedd mwy o gymunedau lleol yng Nghymru. Bydd yn sefydlu mwy o grwpiau hunan gymorth i dorri lawr ar unigrwydd cymdeithasol, a bydd yn darparu pwynt o addysg a chefnogaeth. Bydd yn creu cyfleoedd gwirfoddoli o fewn grwpiau lleol ac yn sefydlu cysylltiadau cymunedol gyda sefydliadau gwirfoddol a statudol. | £248,000 |
| Hanes Llandoch | Mae’r prosiect yn canolbwyntio ar St.Dogmaels, Sir Benfro | Mae Hanes Laddoch wedi cael ei sefydlu i ailfywhau cymuned: ardal wledig ddifreintiedig yng nghornel gogledd orllewin Sir Benfro. Bydd hyn yn cael ei wneud drwy bwysleisio treftadaeth, hanes a diwylliant yr ardal, i greu eu hunain i fod yn atyniad i gynyddu refeniw i'r ardal a darparu cyfleoedd addysgol a hyfforddiant, trwy adnoddu a staffio canolfan addysg a gwybodaeth. | £249,782 |
| Canolfan Enfys Penley | Penley, Wrecsam | Bydd y prosiect yn darparu cartref parhaol i’r Ganolfan Enfys a llety ar gyfer gweithgareddau cymunedol ar gyfer Penley ar ardal gyfagos. | £398,350 |
Gwybodaeth pellach
Swyddfa’r Wasg Cronfa Loteri Fawr 02920 678 207
Cyswllt y tu hwnt i oriau: 07760 171 431
Llinell Ymholiadau’r Cyhoedd: 08454 102 030
Ffôn testun: 0845 6021 659
Mae manylion llawn dyfarniadau grantiau a rhaglenni’r Gronfa Loteri Fawr ar gael ar y wefan www.cronfaloterifawr.org.uk
Nodiadau i Olygyddion
- Yng Nghymru, mae’r Gronfa Loteri Fawr yn dosbarthu’n agos at £1 miliwn mewn arian achosion da y Loteri bob wythnos ac mae hynny’n golygu ynghyd â dosbarthwyr eraill y Loteri ar draws Cymru bod rhan fwyaf o bobl o fewn ychydig filltiroedd i brosiect a ariannir gan y Loteri.
- Mae’r Gronfa Loteri Fawr, y mwyaf o ddosbarthwyr arian achosion da y Loteri Genedlaethol, wedi bod yn dosbarthu grantiau i achosion iechyd, addysg, amgylcheddol ac elusennol ledled y Deyrnas Unedig ers ei sefydlu ym mis Mehefin 2004. Fe’i sefydlwyd gan y Senedd ar 1 Rhagfyr 2006.
- Ers i'r Loteri Genedlaethol gychwyn ym 1994, mae 28c o bob punt y mae’r cyhoedd wedi’i wario wedi mynd at Achosion Da. O ganlyniad, mae dros £20 biliwn bellach wedi’i godi a mwy na 250,000 o grantiau wedi’u dosbarthu i'r celfyddydau, chwaraeon, treftadaeth, elusennau, iechyd, addysg a’r amgylchedd.
Tags