- Area:
- Cymru
- Programme:
- Release date:
- 18 12 2007
Daeth y Nadolig yn gynnar i blant ledled Cymru yn dilyn cyhoeddiad Cronfa Loteri Fawr heddiw am hwb ariannol o £2 miliwn o arian Loteri, i ddatblygu cyfleoedd chwarae newydd i blant ledled y wlad.
Mae naw prosiect ledled Cymru yn elwa o’r £2,213,390 sy’n cael ei ddosbarthu, wedi’i ddyfarnu drwy ffrwd £13 miliwn ‘Chwarae Plant’, rhaglen £20 miliwn Teuluoedd Iach y Gronfa Loteri Fawr. Mae’r holl brosiectau yn anelu at gyflawni blaenoriaethau’r rhaglen, drwy adeiladu ar y strwythur sy’n cefnogi datblygu chwarae plant yng Nghymru a chreu cyfleusterau a mentrau chwarae newydd ym mhob ardal.
Datblygwyd y rhaglen Teuluoedd Iach yn sgil ymgynghoriad cynhwysfawr ac fe’i lansiwyd mewn cynhadledd arbennig a drefnwyd gan y Gronfa Loteri Fawr yng Nghaerdydd y llynedd. Bydd y rhaglen yn hyrwyddo agwedd holistig at ddelio gyda gordewdra, a bydd mentrau a ariannir drwy ffrwd Chwarae Plant yn ei wireddu.
Gan sôn am yr effaith cadarnhaol y bydd y dyfarniadau yn eu cael ar blant a’u teuluoedd mewn cymunedau ledled Cymru, meddai Cadeirydd Pwyllgor Teuluoedd Iach, Graham Benfield: “Bydd y prosiectau hyn yn nodi meysydd penodol sydd angen eu hwynebu o fewn chwarae plant yng Nghymru, drwy ddatblygu blaenoriaethau ac adeiladu neu ddatblygu strwythurau newydd i gyflawni cyfleoedd chwarae newydd a chyffrous. Rhaid i ni weithredu i gynnal iechyd y genhedlaeth nesaf ac annog plant i fyw bywydau iachach, mwy bywiog. Rwy’n siŵr y bydd y prosiectau hyn yn gwneud hynny.”
Mae’r Gronfa Loteri Fawr yn gweithio’n agos gyda Chwarae Cymru, sefydliad cenedlaethol a hyrwyddwr chwarae plant, i gefnogi ymgeiswyr a dosbarthu’r arian sydd ar gael.
Meddai Cyfarwyddwr Chwarae Cymru, Mike Greenaway: “Mae Chwarae Cymru yn hapus iawn i rannu’r newyddion da ar gyfer ymgeiswyr llwyddiannus yn rownd gyntaf rhaglen Chwarae Plant. Mae’r dyfarniad hwn yn arwydd o lwyddiant mawr, ac mae’n ganlyniad i lawer o waith caled, trafod a chynllunio gan grwpiau ledled Cymru. Edrychwn ymlaen at gefnogi ymgeiswyr llwyddiannus i wneud y gorau o’r arian, ac rydym yn hyderus y bydd yn dod â buddiannau mawr i blant Cymru yn y dyfodol.”
Am fwy o wybodaeth ynglŷn â Theuluoedd Iach - rhaglen Chwarae Plant, ewch at www.cronfaloterifawr.org.uk a defnyddiwch yr adnodd chwilio.
Cyfleoedd Cyfweld, Lluniau a Ffilmio: Mae cynrychiolwyr o’r Gronfa Loteri Fawr a Chwarae Cymru ar gael i’w cyfweld, ffilmio a thynnu eu lluniau. Er mwyn trefnu unrhyw un o’r uchod, cysylltwch â swyddfa wasg y Gronfa Loteri Fawr ar y rhifau ar ddiwedd y datganiad.
Rhestr lawn o’r prosiectau:
| Sefydliad | Lleoliad | Swm a ddyfarnwyd |
| Ail-Greu Canolfan Adnoddau Chwarae Caerdydd | Caerdydd a Bro Morgannwg | £246,523 |
| Cymdeithas Gwasanaethau Gwirfoddol Sir Gaerfyrddin | Sir Gaerfyrddin a Sir Benfro | £250,000 |
| RAY Ceredigion | Ceredigion | £249,831 |
| Cymdeithas Chwarae RCT | Rhondda Cynon Taf a Phen-y-bont ar Ogwr | £250,000 |
| Chwarae Iawn | Abertawe a Nedd Port Talbot | £249,859 |
| Fforwm Chwarae Merthyr Tydfil | Merthyr Tydfil, Blaenau Gwent a Chaerffili | £220,300 |
| Cyngor Bwrdeistref Sir Conwy | Ynys Môn, Gwynedd a Chonwy | £246,974 |
| Cynghrair Gwirfoddol Torfaen | Torfaen, Casnewydd a Sir Fynwy | £249,903 |
| Cyngor Sir y Fflint | Sir y Fflint, Sir Ddinbych a Wrecsam | £250,000 |
Mwy o Wybodaeth:
Swyddfa Wasg Cronfa Loteri Fawr – Oswyn Hughes: 02920 678 207
Tu Hwnt i Oriau Swyddfa: 07760 171 431
Llinell Ymholiadau’r Cyhoedd: 08454 102 030
Llinell Destun: 0845 6021 659
Mae manylion llawn am raglenni a dyfarniadau grant y Gronfa Loteri Fawr ar gael yn www.cronfaloterifawr.org.uk
Nodiadau i Olygyddion
- Yng Nghymru, mae’r Gronfa Loteri Fawr yn dosbarthu bron i £1 miliwn yr wythnos o arian achosion da'r Loteri, sydd yn golygu, o’i gyfuno gyda dosbarthwyr eraill y Loteri, bod mwyafrif bobl Cymru o fewn ychydig filltiroedd i brosiect wedi’i ariannu gan y Loteri.
- Mae’r Gronfa Loteri Fawr, y mwyaf o ddosbarthwyr achosion da’r Loteri Genedlaethol, wedi bod yn dosbarthu grantiau i achosion iechyd, addysg, amgylcheddol ac elusennol ledled y DU ers ei ddechreuad ym Mehefin 2004. Cafodd ei sefydlu gan y Senedd ar 1 Rhagfyr 2006.
- Ers cychwyn y Loteri Genedlaethol yn 1994, mae 28c o bob punt sy’n cael ei gwario wedi mynd at achosion da. O ganlyniad, codwyd dros £20 biliwn ac fe ddosbarthwyd dros 280,000 o grantiau i’r celfyddydau, chwaraeon, treftadaeth, elusennau, iechyd, addysg a’r amgylchedd.
Tags