- Area:
- Cymru
- Programme:
- Arian i Bawb Cymru
- Release date:
- 22 12 2011
Mae grwp sy'n darparu cyngherddau ar gyfer oedolion a phlant mewn hosbisau a chartrefi gofal ymysg y rhai sy'n elwa o'r rownd ddiweddaraf o arian Loteri.
At ei gilydd bydd 39 o brosiectau cymunedol ledled Cymru'n rhannu'r £152,792 a ddyfarnwyd o dan rownd ddiweddaraf Arian i Bawb, rhaglen grantiau bach y Gronfa Loteri Fawr (cliciwch yma i weld rhestr lawn o 
ddyfarniadau
- 45KB).
Bydd Music in Hospitals yn defnyddio'r £4,964 a ddyfarnwyd iddynt i ddarparu 34 o gyngherddau ar gyfer oedolion a phlant sy'n derbyn gofal, cefnogaeth a thriniaeth mewn ysbytai, hosbisau, cartrefi gofal ac ysgolion anghenion arbennig yng ngogledd, canolbarth a de Cymru. Nod y prosiect yw annog pobl i gymryd rhan yn y digwyddiadau er mwyn helpu i leddfu straen. Mae Music in Hospitals, a sefydlwyd ym 1978, yn cynnal bron 5,000 o gyngherddau byw bob blwyddyn yn y DU.
Meddai Melanie Peters, Rheolwr Datblygu Music in Hospitals yng Nghymru: "Mae ymchwil yn dangos y gall cerddoriaeth fyw gynorthwyo'r broses wella, lleihau poen, pryder ac iselder ac yn helpu i greu llawenydd ar gyfer y bobl hynny y mae arnynt ei hangen fwyaf.
“Mae cyngherddau'n dod â gwelliant parhaus i ansawdd bywydau oedolion a phlant yr effeithir arnynt gan bob math o salwch, cyflyrau sy'n cyfyngu ar fywyd, problemau iechyd meddwl ac anableddau corfforol a dysgu ac yn creu profiad a rennir y gall y gymuned ehangach o staff gofal iechyd, gwirfoddolwyr. Nid gwelliannau rhyfeddol y mae'r cerddorion yn eu darparu ond seibiannau hudolus o dwymdra a llawenydd wrth iddynt helpu i ddod â'r person allan o'r claf."
Yng Nghaerffili, mae Cymdeithas Trigolion a Chymunedol Phillipstown yn derbyn £3,640 i gynnal penwythnos carnifal cymunedol ym mis Mehefin i ddathlu Jiwbilî Ddiemwnt y Frenhines, a bydd The Zone yn gwario £1,457 i agor canolfan ieuenctid mewn neuadd eglwys yn Oakdale.
Bydd Cymdeithas Rhandiroedd Forest Farm Leisure yn defnyddio £5,000 i osod toiled compostio ar eu safle, a bydd Ymddiriedolaeth Bracken ym Mhowys hefyd yn derbyn £5,000 i ddarparu sesiynau cwnsela a therapiwtig ychwanegol ar gyfer pobl sydd â chanser.
Meddai Reg Cawthorne, Cadeirydd Ymddiriedolaeth Bracken: "Mae'r newyddion ein bod wedi derbyn yr ariannu yn anrheg Nadolig ryfeddol. Bydd hyn yn galluogi Ymddiriedolaeth Bracken i gefnogi pobl yr effeithir arnynt gan ganser, eu gofalwyr, teuluoedd a phobl mewn profedigaeth gartref na allant deithio i Ymddiriedolaeth Bracken oherwydd eu hiechyd gwael. Bydd yr ariannu'n gwneud gwahaniaeth enfawr i'n cleifion ac rydym yn ei groesawu'n fawr."
Ym Mro Morgannwg, mae The Castaways yn derbyn £3,558 i lansio clwb cinio newydd ar gyfer pobl hyn, ac yn Nhorfaen, bydd Cyfeillion y Grwp Gwyrdd ym Mlaenafon yn defnyddio £4,962 i drefnu dau ddigwyddiad a fydd yn dod â'r gymuned ynghyd. Bydd hyn yn cynnwys sefydlu uned deithiol i ddangos ffilmiau.
Meddai Gareth Williams, Rheolwr Rhaglen Arian i Bawb y Gronfa Loteri Fawr yng Nghymru: “Mae Arian i Bawb yn cael effaith gadarnhaol ledled Cymru. Mae'r arian yn helpu sefydlu grwpiau, cymdeithasau a chlybiau, gan hyrwyddo dysgu, cynyddu cyfleoedd gwirfoddoli a helpu adeiladu cymunedau cryfach.”
Gellir lawrlwytho ffurflen ymgeisio'r rhaglen, sydd ar gael yn Gymraeg a Saesneg, ei chwblhau a'i dychwelyd yn uniongyrchol drwy e-bost i'r Gronfa Loteri Fawr. Mae hefyd ar gael ar ffurf copi caled.
Mae ffurflenni ymgeisio ar gael drwy fynd i www.arianibawb.org.uk neu ffonio 0845 4 10 20 30.
Mwy o Wybodaeth
Swyddfa Wasg y Gronfa Loteri Fawr: 02920 678 224
Cyswllt y tu allan i oriau: 07500 951 707
Llinell Ymholiadau Cyhoeddus: 0300 123 0735
Ffôn testun: 0845 6021 659
Mae manylion llawn rhaglenni a dyfarniadau grant y Gronfa Loteri Fawr ar gael yn: www.cronfaloterifawr.org.uk
Nodiadau i Olygyddion
- Yng Nghymru mae'r Gronfa Loteri Fawr yn dosbarthu £100,000 bob dydd mewn arian y Loteri ar gyfer achosion da, sy'n golygu, ynghyd â dosbarthwyr eraill y Loteri, bod y rhan fwyaf o bobl ar draws Cymru o fewn ychydig filltiroedd i brosiect a ariennir gan y Loteri.
- Mae'r Gronfa Loteri Fawr, dosbarthwr mwyaf y Loteri Genedlaethol ar gyfer achosion da, wedi bod yn dosbarthu grantiau i feysydd addysg a'r amgylchedd ac achosion elusennol ers iddi ddod i fodolaeth ym mis Mehefin 2004. Fe'i sefydlwyd gan Senedd y DU ar 1 Rhagfyr 2006.
- Ers i’r Loteri Genedlaethol ddechrau ym 1994, mae 28c o bob punt sy’n cael ei gwario gan y cyhoedd wedi mynd at Achosion Da. O ganlyniad i hyn mae dros £26 biliwn wedi’i godi a mwy na 330,000 o grantiau wedi’u dyfarnu ar draws meysydd y celfyddydau, chwaraeon, treftadaeth, elusennau, iechyd, addysg a’r amgylchedd.
Tags