Ynglŷn â Chronfa Cymunedau'r Arfordir
Bydd Cronfa Cymunedau'r Arfordir (CCA) yn annog datblygiad economaidd cymunedau arfordirol y DU trwy ddarparu ariannu er mwyn iddynt greu twf a swyddi economaidd cynaliadwy.
Mae'r llywodraeth wedi ymrwymo £27.8 miliwn i gefnogi CCA yn 2013/14 gydag arian a gynhyrchwyd gan asedau morol Ystadau'r Goron. Mae'r Gronfa Loteri Fawr yn cyflwyno CCA ar ran y Llywodraeth, yn gweithredu o dan enw'r Gronfa Fawr.
Mae CCA yn rhaglen DU gyfan ond mae rhai gofynion a blaenoriaethau sy'n benodol i'r gwledydd. Mae gwybodaeth am y rhain wedi'i chynnwys yn y nodiadau cymorth sy'n cyd-fynd â'r ffurflen gais - ar gael ar y wefan hon.
Mae dyfarniadau ariannu o fwy na £50,000 ar gael ar gyfer prosiectau sy'n para hyd at ddwy flynedd. Gall y mathau canlynol o fudiadau ymgeisio:
- elusennau
- mudiadau'r sector gwirfoddol a chymunedol
- mentrau cymdeithasol, gan gynnwys cydweithfeydd a mentrau sy’n eiddo i’r gymuned
- awdurdodau lleol
- awdurdodau datblygu yng Nghymru, Yr Alban a Gogledd Iwerddon
- partneriaethau menter leol yn Lloegr
- cwmnïau'r sector preifat.
Dyddiadau agor a chau ar gyfer 2013/14
Mae Cronfa Cymunedau'r Arfordir bellach wedi dod i ben ar gyfer 2013. Mae'r ceisiadau rownd gyntaf yn cael eu hasesu a bydd y ceisiadau cryfaf yn cael eu gwahodd i gyflwyno cais llawn yn haf 2013.
Pryd caiff yr ariannu ei gyhoeddi?
Byddwn yn anelu at roi penderfyniad i chi erbyn y dyddiadau a ganlyn:
Prosiectau yng Nghymru - diwedd Medi 2013
Prosiectau yn Lloegr - Ionawr 2014
Prosiectau yng Ngogledd Iwerddon - Rhagfyr 2014
Prosiectau yn Yr Alban - Rhagfyr 2013
Pryd gallaf ymgeisio i'r rhaglen?
Lansiwyd Cronfa Cymunedau'r Arfordir yn 2012 ac mae i fod i redeg yn y lle cyntaf fel a ganlyn:
Blwyddyn un - Ebrill 2012 i Fawrth 2013
Blwyddyn dau - Ebrill 2013 i Fawrth 2014
Blwyddyn tri - Ebrill 2014 i Fawrth 2015
Mae'n debygol y bydd ffocws y rhaglen yn newid bob blwyddyn wrth i ddyfarniadau gael eu gwneud ac wrth i faterion polisi newydd ddod i'r amlwg, ond bydd yr un nod trosgynnol yn parhau. Bydd yr ariannu sydd ar gael yn 2014/15 yn cael ei gyhoeddi yn 2014 ar y wefan hon.
Manylion prosiectau a ariennir gan CCA ym mlwyddyn un
Cynhyrchodd y rhaglen gryn dipyn o ddiddordeb ym mlwyddyn un a gwnaethom dderbyn llawer mwy o geisiadau nag y gallem eu hariannu. Blaenoriaethwyd ceisiadau a oedd yn gallu dangos y canlynol:
- Allbynnau clir y gellir darparu tystiolaeth ohonynt
- Creu swyddi (yn enwedig swyddi uniongyrchol ac anuniongyrchol a gyflwynwyd o fewn graddfa amser y prosiect)
- Gallu i gyflwyno canlyniadau o fewn graddfa amser y prosiect
- Cynaladwyedd gweithgareddau a'r effaith dros y tymor hwy.
I gael gwybod pa brosiectau a gafodd eu hariannu yn y flwyddyn gyntaf o CCA, cliciwch yma.
Cymorth gwladol
Mae Cymorth Gwladol yn derm cyfreithiol sy'n deillio o gyfamod yr Undeb Ewropeaidd sy'n disgrifio cymorth ariannol i fudiadau sy'n cyflawni gweithgarwch economaidd (p'un ai er elw ai beidio), a allai ystumio cystadleuaeth.
Byddwn yn disgwyl i ymgeiswyr hunanwerthuso sut mae eu prosiect yn cydymffurfio â rheolau Cymorth Gwladol Ewropeaidd. Mae mwy o wybodaeth am reolau Cymorth Gwladol ar gael yma
Dylai ymgeiswyr wybod hefyd bod rheolau Cymorth Gwladol yn bodoli i ddiogelu cystadleuaeth o fewn y sectorau pysgodfeydd, acwafeithrin ac amaethyddiaeth ac y gallent gyfyngu i ba raddau y gall CCA gefnogi prosiectau economaidd.
Ymholiadau
Cysylltwch â'n llinell ymholiadau ar 0300 123 0735 neu anfonwch e-bost atom yn ccf@bigfund.org.uk